Katholische Landeskirche von Graubünden

Purtret

Temps d'avertura

Glindesdi fin venderdi 14.00 - 17.30

La mediateca è serrada tranter Nadal e Bumaun, il venderdi suenter Ascensiun e 3 fin 4 emnas durant las vacanzas da stad.
La Mediateca da la Baselgia dal Grischun è in'instituziun da la Baselgia catolica dal chantun Grischun e da la Baselgia evangelic-refurmada dal Grischun.

Incumbensas

Ella administrescha litteratura spezialisada (cudeschs, revistas, material per l'instrucziun), portatuns, portamaletgs e bler auter material (serias da dias, maletgs auditivs, pachets medials, videos, DVDs, folias, posters e CD-ROMs) per ils suandants champs: dumondas da la vita, etica, instrucziun da religiun, lavur da giuventetgna, furmaziun da creschids e liturgia.

Reservaziuns

Reservai ils titels giavischads p.pl. uschè baud sco pussaivel (surtut durant il temp avant Nadal) per telefon, a scrit u per e-mail kirchliche.mediothek gr.kath.ch tar la mediateca. Vus pudais era reservar material gia ordavant per ina data giavischada.

Durada d'emprest

La durada d'emprest munta per regla a trais emnas. Tenor cunvegnientscha po la durada d'emprest er esser pli curta resp. pli lunga e po vegnir prolungada.

Restituziun

Per in bun andament da l'entir manaschi d'emprest supplitgain nus las utilisadras ed ils utilisaders da returnar ils titels gist suenter ch'els èn vegnids duvrads.

Agenturas medialas en las regiuns

Biblioteca a Glion, chasa-pravenda refurmada, Städtlistrasse 16, 7130 Glion
Offerta: cudeschs e meds per l'instrucziun da religiun, material d'instrucziun en sursilvan
Persuna da contact: Beatrix Bislin, Sagogn, T +41 (0)81 921 32 80, E beatrix.bislin@kns.ch

Centro Catechistico Poschiavo en la chasa dal cumin-baselgia catolic a Poschiavo
Offerta: cudeschs e meds per l'instrucziun da religiun en talian
Persuna da contact: Don Cleto Lanfranchi, Poschiavo, T +41 (0)81 844 02 07, E cleto.lanfranchi@bluewin.ch

Biblioteca en il Centro Parrochiale, Belecc, 6535 Roveredo
Offerta: material per l'instrucziun da religiun en talian
Contact: T +41 (0)91 827 11 63

Autras mediatecas

Tut las utilisadras ed ils utilisaders da la Mediateca da la Baselgia dal Grischun che lavuran en ils champs menziunads sura pon er emprestar gratuitamain titels da la mediateca a Turitg.

Medienladen, Badenerstrasse 69, chascha postala, 8026 Turitg
T +41 (0)1 299 33 81
F +41 (0)1 299 33 97
E info@medienladen.ch
www.medienladen.ch (catalog online)

Copiader da colur

Cun noss copiader da colur producin nus per pretschs favuraivels placats, fegls sgulants, mappas illustradas, folias en colur, etc. Pretschs sin dumonda.