Katholische Landeskirche von Graubünden

Purtret


Actual

» Paun per tuts 2016: Fegls da lavur


Incumbensas

  • Il rectorat per l'instrucziun da religiun è in post spezialisà da la Baselgia catolica dal Grischun che s'occupa da dumondas structuralas, organisatoricas e persunalas da l'instrucziun da religiun catolica en scola.
  • Il rectorat fa si'obligaziun per incumbensa da l'uvestg da Cuira.
  • Il rectorat ha la surveglianza da l'instrucziun da religiun, da la visitaziun e da la cussegliaziun da scolastas e scolasts.
  • Il rectorat procura che las directivas valaivlas per l'instrucziun da religiun vegnian realisadas e che las prescripziuns legalas vegnian resguardadas.
  • Il rectorat vul infurmar, sustegnair, examinar e sche pussaivel era gidar ad evitar a moda pro-activa conflicts.
  • Il rectorat porscha sustegn e cussegliaziun en situaziuns da conflict.
  • Il rectorat è il post da consultaziun per las persunas responsablas per l'instrucziun da religiun en ils decanats, en las pravendas ed en ils cumins-baselgia.
  • Il rectorat è il post da contact per geniturs, scolaras e scolars en cas da dumondas davart l'instrucziun da religiun.
  • Il rectorat collavura cun il Center catechetic, cun la Cumissiun per l'instrucziun da religiun e cun il post spezialisà respectiv da la Baselgia evangelica refurmada dal Grischun e cun ils posts chantunals spezialisads.