Katholische Landeskirche von Graubünden

Purtret

La baselgia catolica dal chantun Grischun

  • paja contribuziuns da cumpensaziun a cumins-baselgia cun dretg da gulivaziun
  • conceda contribuziuns da construcziun e contribuziuns ad ovras als cumins-baselgia per novas construcziuns, per lavurs da transfurmaziun e da renovaziun da baselgias, chapluttas, chasas-pravenda e chasas da cumins-baselgia
  • approva decrets dals cumins-baselgia
  • maina posts spezialisads, actualmain èn quai: il Center catechetic dal Grischun, il Post per la lavur da giuventetgna ecclesiastica en il Grischun, la Mediateca da la Baselgia dal Grischun, il Post da cussegliaziun catolic per dumondas da lètg, famiglia e vita, il Rectorat per l'instrucziun da religiun ed il Post spezialisà per la pastoraziun da persunas cun impediments
  • paja contribuziuns ad organisaziuns catolicas dal chantun Grischun: l'Uniun catolica da dunnas dal Grischun, mamma ed uffant + agid cunter aids, organisaziuns da giuvenils
  • sustegna ovras socialas e caritativas: l'Uniun per la cussegliaziun da famiglias e la cussegliaziun sexuala, il Post da cussegliaziun per giuvenils e per dumondas da drogas, la Pastoraziun al telefon dal chantun Grischun, la Caritas Grischun
  • gida a finanziar posts spezialisads diocesans e svizzers sco era projects da quels
La Baselgia catolica dal chantun Grischun è ina corporaziun da dretg public. Ella reglescha las relaziuns da la Baselgia da las regiuns catolicas resguardond las leschas da la Baselgia catolic-romana e da la constituziun chantunala. Ella sustegna e promova en il rom da sias cumpetenzas e pussaivladads ils interess da la Baselgia catolic-romana en il chantun Grischun.

Ils organs da la baselgia catolica dal chantun Grischun èn:

1.    tut ils abitants dal chantun Grischun catolic-romans cun dretg da votar
2.    il Corpus catholicum
3.    la cumissiun administrativa
4.    la cumissiun da recurs
5.    ils cumins-baselgia
6.    las suprastanzas dals cumins-baselgia