Katholische Landeskirche von Graubünden

Offertas dal Post per la lavur ecclesiastica da giuventetgna

Furmaziun

  • perfecziunament da spirituals da giuventetgna e dad assistents da giuvenils
  • dis da furmaziun davart temas actuals en collavuraziun cun auters posts spezialisads per la lavur da giuventetgna en il chantun Grischun
  • curs da basa e curs supplementars per responsabels da giuvenils
  • occurrenzas da perfecziunament per catechets, assistents da giuvenils, spirituals e per ulteriuras persunas interessadas

Cussegliaziun

  • cussegliaziun da cussegls da cumins-baselgia, suprastanzas da cumins-baselgia, cumissiuns da giuvenils, responsabels da giuvenils, catechets, spirituals ed autras persunas che gidan a sviluppar la lavur da giuventetgna
  • cussegliaziun spezialisada e cussegliaziun pratica da persunas che fan lavur da giuventetgna ecclesiastica sco professiun principala u accessorica

Agid structural

  • referats en ils differents cumins-baselgia u en las differentas regiuns per dar impuls per la lavur da giuventetgna
  • sustegn a cumins-baselgia, regiuns e decanats che vulan activar la lavur da giuventetgna, surtut cun sviluppar structuras e concepts adattads per crear posts regiunals en il champ da la lavur da giuventetgna ecclesiastica

Infurmaziun

  • publicaziun da la broschura d'infurmaziun AKJ-INFO che cuntegna infurmaziuns actualas davart purschidas ed occurrenzas per giuvenils, pussaivladads da perfecziunament per assistents da giuvenils, animaturs da giuvenils e catechets dal stgalim superiur, materialias e litteratura
  • actualisaziun da questa website cun las pli novas infurmaziuns en il champ da la lavur da giuventetgna en general e da la lavur da giuventetgna ecclesiastica en spezial
  • publicaziun da differents rapports da e davart la lavur da giuventetgna (rapports da pressa, rapports davart occurrenzas ecclesiasticas per giuvenils, rapports da champs dals cumins-baselgia, rapports davart chasas per gruppas, rapport annual dal Post per la lavur da giuventetgna ecclesiastica, ...

Rait da contacts

  • rait da las persunas activas en la lavur da giuventetgna
  • colliaziun da la lavur da giuventetgna catolica cun la lavur da giuventetgna evangelica
  • contacts cun l'Uniun dals spirituals da giuvenils da la Svizra tudestga (juseso)